Өнгөрч буй долоо хоногт Монгол Улсын 34 дэх Ерөнхий сайд томилогдсон. Үүнийгээ дагаа шинээр бүрэлдэх Засгийн газрын гишүүд хэн байх вэ гэдэгт хүлээлт үүсээд буй. 

Тэгвэл улс төрийн энэ боломжийг ашиглан УИХ-д шинээр болон жагсаалтаар томилогдсон гишүүд хуучин сайдаар ажиллаж байсан хүмүүсийг дараагийн шинэ засагтаа оруулахгүй шүү, шинээр сонгогдсон гишүүдээсээ сайдаар томилдог баймаар байна гэх агуулга бүхий шаардлагыг хүргүүлжээ. Гэхдээ Ерөнхий сайдад биш МАН-ын Удирдах зөвлөлд хүргүүлсэн гэх. 

Хамгийн сонирхолтой нь Ерөнхий сайдын үүдэнд бүгд цугласан байсан нь анхаарал татав. 

Улс төрийн энэ үйл явцыг УИХ-ын гишүүн Ч.Лодойсамбуу өөрийн цахим хуудаснаа "Шалтгаан нь зүгээр л чи өмнөх засаг байсан болохоор сайн ажилласан чинь хамаагүй, өөр хүн томилно гэвэл ёстой нөгөө хоёрдгаар ээлж хоолондоо орьё гэдэг нь болно. Ерөнхий сайдынхаа балгаар л огцорсон болохоос үнэхээр гал авч ачаа үүрсэн залуу сайд нар олон бий. Сайн ажилласан л бол хэдэн ч засгийн газар дамнан ажиллаж болно. Гол нь үр дүн" хэмээн нийтэлжээ.