Монголын хөлбөмбөгийн холбооны Ерөнхийлөгчид нэр дэвшигчийн хүсэлтийг гуравдугаар сарын 14-өөс эхлэн авч эхэлсэн бөгөөд өнөөдөр 18:00 цагт дуусна.

Тодруулбал,  "Jet sharing Mongolia" ХХК-ийн захирал Г.Дашням, Монголын спортын корпорацийн Спорт хариуцсан захирал С.Жаргал нар нэр дэвшинэ гэдгээ өмнө мэдэгдэж байсан.

Тэгвэл өнөөдөр МХБХ-ны Техникийн хэлтсийн захирал Б.Гарьдмагнай,  УИХ-ын гишүүн асан, "Сод Монгол Групп"-ийн ерөнхийлөгч Ц.Анандбазар, "Khovd Broncos FC" багийн менежер Ө.Алтай, Н.Болор-Эрдэнэ нар  нэр дэвших хүсэлтээ өгчээ.

Өөрөөр хэлбэл, Монголын хөлбөмбөгийн холбооны ерөнхийлөгчид 6 хүн өрсөлдөхөөр болжээ.