Монгол Улсын Ерөнхийлөгч У.Хүрэлсүх өчигдөр (2024.07.01) 93 тоот зарлиг гаргаж, Монгол Улсын Их Хурлын ес дэх удаагийн сонгуулийн Анхдугаар чуулганыг товлон зарлалаа. Чуулган 10.00 цагт эхэлнэ. 

Үндсэн хуулийн нэмэлт өөрчлөлтийн дагуу хууль тогтоох дээд байгууллага болох УИХ анх удаа 126 гишүүнтэй болж байна. 

Холимог тогтолцоогоор явуулсан энэ удаагийн сонгуулийн үр дүнд УИХ-д МАН, АН, ХҮН, ИЗНН, Үндэсний эвсэл гэсэн таван нам эвслээс хөгжлийн бэрхшээлтэй иргэд, хуульч, эрдэмтэд, эмч, багш, эдийн засагч, инженер, сэтгүүлч, жирийн эмэгтэйчүүдийн төлөөлөл ч хууль тогтоох түвшинд ажиллахаар болж байна.