Нүүрсний сонсголын хоёр дахь шат гурав дахь өдрөө үргэлжилж байна.

"Эрдэнэс Тавантолгой" ХК-аас "Тавантолгой түлш" ХХК-д олгосон санхүүжилтийг Хянан шалгах түр хорооны Шинжээч танилцууллаа. 

"Тавантолгой Түлш" ХХК нь төлөвлөгөөнд тусгаагүй хэт үрэлгэн худалдан авалт хийх, худалдан авсан бараа материалын анхан шатны баримтын бүрдэл дутуу,  харилцагчтай байгуулсан гэрээний хэрэгжилтийг дүгнэдэггүй зэрэг санхүүгийн зөрчил их байгаа нь компани алдагдалтай ажиллахад голлох нөлөөллийг үзүүлсэн хэмээн дүгнэж байна. 

Энэ үеэр тус компанийн ТУЗ-ийн гишүүд өөрсдийгөө 1.1 тэрбум төгрөгөөр шагнаж, урамшуулал олгосон талаар мэдээлэл  ч ил болж байна.

Мөн энэ үеэр ХЗДХ-ийн сайд Б.Энхбаяр "ТУЗ-ийнхөн өөрсдийгөө баахан шагнасан байхад Үндэсний Аудитын газраас зөрчилгүй гэж дүгнэсэн байна. Ямар ч санхүүгийн тайлан, архив байхгүй, тендергүйгээр худалдан авалт хийдэг, ерөнхий няглан нь нөхөр рүүгээ мөнгө шилжүүлдэг байхад Монгол Улсын Үндэсний Аудитын газар зөрчилгүй гэж дүгнэжээ." гэв.

Өөрөөр хэлбэл , "Утаа бууруулах" ажил буюу "Тавантолгой Түлш" ХХК шалгах ёстой Аудитын дарга Д.Занданбат өөрөө “утаачин” болж таарав.  Хулгайчаар хулгайчийг бариарай гэж хашгируулж байгаатай агаар нэг зүйл болж байгаа хэрэг л дээ. 

Ер нь Д.Занданбат нүглийн нүдийг гурилаар хуурахаар ийнхүү төрийн аудитын байгууллагын тамгыг атгаж суугаа юм гэдэг нь олон ч баримтаар гараад буй.