Өнөөдрөөс "Нүүрсний сонсгол"-ын эхний шатны сонсгол Төрийн ордонд эхэлж байна. Өнөөдөр Жижиг "Тавантолгой" компанийн нүүрс олборлолт, экспорттой холбоотой нотлох баримтыг шинжлэн судалж байна.

Шинжээчийн танилцуулснаар, "Тавантолгой ХК"-ийн ТУЗ-ийн тогтоол болон мөнгөн гүйлгээг хянаж үзэхэд 2009 онд тухайн үед ТУЗ-ийн даргаар ажиллаж байсан Н.Наранбаатарт ланд-105 автомашиныг олгожээ.

Мөн түүнчлэн 2010 онд ТУЗ-ийн гишүүн С.Сумьяад эмчилгээний зардал болгож 43,6 сая төгрөгийг буцалтгүй тусламжаар, 2013 онд ТУЗ-ийн гишүүн Г.Цог-өрнөхөд 32,400 ам долларын буцалтгүй тусламж, 2014 онд Ерөнхий нягтлан Г.Шүрэнхишигт 25 мянган ам.долларын буцалтгүй тусламжийг тус тус өгсөн байжээ.