Авлигатай тэмцэх газраас Цагдаагийн байгууллагатай хамтарсан ажлын хэсэг байгуулан, ногоон автобусны хэргийг шалгаж буй. Шалгалтын хүрээнд "Тэнүүн-Огоо", "Эрдэм транс" ХХК-иудын удирдлагуудыг саатуулан шалгах, холбогдох гүйлгээнүүдийг шуурхайлан хянах үйл ажиллагааг зохион байгуулсан.

Улмаар БНСУ-ын хоёр иргэнийг саатуулан шалгаж, НХААГ, Нийслэлийн нийтийн тээврийн газруудын албан тушаалтнуудын орон гэр, албан тасалгаанд нэгжлэг хийх үеэр Б.Жавхлантбаатар өөрийгөө хутгалан гэмтээгээд буй.

Тэгвэл "Но"-той ногоон автобусны хэргээр Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогчоор ажиллаж байсан Ж.Сандагсүрэнг шалгаж эхэлжээ.

Тодруулбал, Ж.Сандагсүрэн нь нийтийн тээвэрт шинэ автобус худалдан авах ажлын хэсгийг ахалж байсны хувьд  “Тэнүүн-Огоо” ХХК-д давуу байдал олгосон байж болзошгүй байгаа аж.