УИХ-ын гишүүн Ж.Чинбүрэнгийн зөвлөхөөр ажиллаж буй Б.Дэмбэрэл бусдаас 200 сая төгрөг авсан гэх гомдлын дагуу Баянгол дүүргийн цагдаагийн хоёрдугаар хэлтэст шалгагдаж байна. 

Тодруулбал,  Б.Дэмбэрэл, өөрийн эхнэр П.Уянгын хамт Эмээлтэд байдаг зоорио Өвөрмонголын иргэнд түрээслүүлэхээр гэрээ байгуулж, гэрээний дагуу урьдчилан 200 сая төгрөгийг бэлнээр авчээ.

Гэвч мөнгөө авсны дараагаар гэрээ ёсоор зоорио түрээслүүлэх байсан боловч Б.Дэмбэрэл зоорио өөр чиглэлээр түрээслүүлэхээр боллоо, мөнгийг чинь үрсэн учраас удахгүй өгнө гэж Өвөрмонголын иргэнд хандснаар асуудал эхэлжээ. Улмаар Б.Дэмбэрэл Өвөрмонгол иргэнээс авсан 200 сая төгрөгөө өнөөдрийг хүртэл хугацаанд өгөөгүй байгаа тул түүнд холбогдох залилангийн хэргээр гомдол гарган ийнхүү шалгуулж байгаа аж. 

Дашрамд сонирхуулахад Б.Дэмбэрэл нь цахим орчинд нэлээдгүй нэр хүнд муутай, байнгын шүүмжлэл дагуулдаг МАН-ын гишүүн юм.