Монгол Улсын Ерөнхийлөгч У.Хүрэлсүх, Гэгээн ширээт улсын Төрийн тэргүүн Пап Францис нар албаны ёсны уулзалтынхаа дараа Төрийн ордны Их танхимд олон нийтэд хандан үг хэллээ.

Энэхүү арга хэмжээд биечлэн оролцсон олон улсын харилцааны судлаач Д.Баярхүү "Ардчилсан нийгэм байгуулж чадсан байна гэж үнэлж байна. Монгол Улсын нийгэм, улс төрийн өнөөгийн нөхцөл байдалд маш том дүгнэлт өгчихлөө гэж бодож байна. Цөөхөн минутад Монгол Улс, дэлхий тэр чигтээ багтсан үг хэллээ. Энэ айлчлан Монгол Улсыг даян дэлхийд сурталчлан таниулахад том алхам болж байна. Монгол Улсын гадаад сурталчилгаанд түүхэн алхам боллоо. Энэ сарын 4 хүртэл дэлхийн хэвлэл мэдээлэл Монголоор амьсгалах нь. Католик шашинтай тэрбум гаруй хүн бий. Тэр ертөнцөд Монгол шинээр нээгдэж байна" гэлээ.