Монгол Улсын Засгийн газраас явуулж буй "5Ш” ажиллагааны хүрээнд зарим мэдээллийг нийтэд ил болгосон. "Шилэн" ажиллагааны хүрээнд өнгөрсөн хугацаанд төрийн оролцоотой компани болон тусгай сангуудын мэдээллийг shilen.gov.mn сайтад нээлттэй байршуулж эхэлсэн. Тэгвэл Барилга, хот байгуулалтын яамнаас 2008-2023 оныг хамарсан улсын комиссын 8404 дүгнэлт болон 2004-2023 оны хооронд архитектур төлөвлөлтөд орсон 11668 барилга, 3941 эзэмшигчийн мэдээллийг нээлттэй байршуулсан юм. 

Тэгвэл нийтэд ил болсон мэдээллээр, газар эзэмшиж, барилга барьсан этгээдүүдийн мэдээллийг цувралаар бэлтгэн хүргэж байна. 

Нээлттэй мэдээллийн сангаас шүүж үзэхэд УИХ-ын гишүүн асан Б.Наранхүү, хүү Н.Эрдэнийн хамт Хан-Уул дүүргийн нутаг дэвсгэрт буюу "Стадион Оргил-4" байршилд үйлчилгээний  зориулалтаар нийт 7 барилга, байгууламжийн архитектур төлөвлөлтийн даалгавраа "Нью даун таун" ХХК-ийн нэр дээр  2019 оны аравдугаар сарын 04, 23-нд батлуулж авчээ.

"Нью даун таун" ХХК-ийн Гүйцэтгэх захирлаар Н.Эрдэнэ бүртгэлтэй байна. Хувьцаа эзэмшигчээр түүний аав бүртгэлтэй байдаг аж.