УИХ-ын гишүүн, Эдийн засаг, хөгжлийн сайд Ч.Хүрэлбаатар нарын 2023 оны зургаадугаар сарын 23-нд УИХ-д өргөн мэдүүлсэн “Газрын тухай хуульд нэмэлт оруулах тухай” хуулийн төсөлтэй холбоотойгоор АН-ын төлөөлөл болон иргэд ҮХЦ-д хандлаа.

Энэ үеэр АН-ын гишүүн П.Галиндэв " Эдийн засаг хөгжлийн сайд Ч.Хүрэлбаатар Хөрөнгө оруулалтын тухай гэх хуулийн төслийг санаачилсан. Тус хуулийн төсөлд гадаадын аж ахуйн нэгж, хуулийн этгээдэд давуу эрх олгож, Монгол Улсын иргэн 15 жилээр газар эзэмшиж, ашиглаж байхад гаднын аж ахуйн нэгж, хуулийн этгээд 100 жилээр ашиглах эрх авдаг гаж тогтолцоо бий болгох оролдлого, хуйвалдааныг явуулсан нь Монгол Улсын Үндсэн хууль зөрчсөн.

Энэ бол Хөрөнгө оруулалтын хууль биш харин Монгол Улсын газар нутгийг гадаадынханд өгч буй колоничлолын хууль. Бидний авсан мэдээллээр Ч.Хүрэлбаатар намрын чуулганаар дээрх хуулийн төслийг дахин өргөн барихаар төлөвлөж байгаа. Энэ эхний бөгөөд эцсийн оролдлого биш. Энэ асуудалтай холбогдуулан Ч.Хүрэлбаатар сайдад хариуцлага тооцох ёстой. Ч.Хүрэлбаатар албан тушаалаасаа огцроод зогсохгүй, хуулийн хариуцлага хүлээх ёстой." гэв.