Чуулганы үдээс хойшхи хуралдаан үргэлжилж байна. Хуралдаанаар Боловсролын ерөнхий хуулийн төсөлтэй хамт өргөн мэдүүлсэн Дээд боловсролын тухай, Судалгааны их сургуулийн эрх зүйн байдлын тухай болон Мэргэжлийн болон техникийн боловсрол, сургалтын тухай хуулийн шинэчилсэн найруулгын төслүүдийг хэлэлцэж байна.

Энэ үеэр УИХ-ын гишүүн Н.Учрал "УИХ-ын чуулганы дэгийн хуулийн зохицуулалтын дагуу Дээд боловсролын хууль дээр би ашиг сонирхлын зөрчилтэй байгаа тул санал хураалтад оролцохгүй гэдгээ дэд дарга танд мэдэгдэж байна. Миний аав 1994 оноос хойш дээд боловсролын салбарт хувийн сургууль байгуулж өнөөдрийг хүртэл үр бүтээлтэй ажиллаж байгаа. Энэ сургуулийг төгссөн 30 гаруй мянган суралцагч байна. 2010 онд би Рояал сургуулиа байгуулсан. Тийм учраас би санал хураалтад оролохгүй ч зарчмын хувьд дэмжиж байгаа." хэмээлээ.