Монгол Улсын Баатар Эрдэнийн Бат-Үүл Оросын эсрэг хэт радикал байр суурьтайгаараа Монголын улс төрчдийг тэргүүлдэг. Тэрээр мөн л энэ тухай байр сууриа нийгмийн сүлжээгээр дамжуулан илэрхийлжээ.

Тодруулбал Э.Бат-Үүл: "Монголчуудын айдсын кнооп нь дээр чангахан дарж,өөрийн "улны хүн" болгох Зөвлөлт Оросын бодлогын нэг том зорилго нь Монголын түүхийг "алах" явдал байсан.Энэ бол үнэхээр зэвүүн тооцсон бодлого байв. Харрари, ард түмэн "...баримт,тоо ба тэгшитгэлээр сэтгэдэггүй,түүхээр сэтгэдэг" гэсэн нь аргагүй үнэн юм!

Ерөнхий сайд Амарыг Москвад аваачиж цаазалсан нэг шалтгаан нь тэр аугаа эх оронч хүн "Монголын түүх" хэмээх ном биччихсэн юм.Амар гуай, Монголын түүхийг,алж дуусахаас нь өмнө амжиж номоо бичсэн дээ!

Монголын түүхийг алахдаа хамгийн эхний ээлжинд Чингис хааныг "алж" эхэлсэн.800 жилийн өс хатуу ширүүн болохыг тэгэхэд монголчууд харсан юм.Чингисийг ард түмэнд нь "цусанд шунасан мангас" байсан мэтээр сургалтын хөтөлбөр бичиж сургуулиудад заалгуулсан.Түүхийн багш нар маань ёс юм шиг,Оросын баатарлаг ард түмэн Чингисийн харгислалд яаж зовж,бас тэмцсэн тухай сүр бадруулан сургадаг байв.

Үнэндээ,Чингис хаан 13-р зууны л хаан,Чингист хааны монголчууд 13-р зууны л монголчууд байсан  юм. 13 зууны хүн төрөлхтөн тэр чигтээ, орондоо орох завгүй " алалдан тэмцэлддэг" ёстой байсан.Тэр тэмцэлд ялсан нь Чингис тэргүүтэй монголчууд л байсан.13-р зууны бүх хаад нь Чингис хаан шиг,ард түмнүүд нь монголчууд шиг ялахыг хүсэж байсан юм шүү дээ!

Ингэж хэлсэн Монголын сэхээтэнгүүд нэг бол шоронд орж,үгүй бол алуулж байлаа.Чингисээ өмөөрсөн Төмөр-Очир гэртээ зэрлэгээр алуулсан байдаг!

Зөвлөлт Орос, Монголын түүхийг алах "тусгай ажиллагаа" нь тодорхой амжилтанд хүрсээн.Ул мөр нь одоо ч арилаагүй байна.Үүний тод жишээ нь Монгол дахь "зөвлөлт хүн"-ий орхидос болсон Монголын путлерүүд ажгуу!

Тэд Монголын төрийг Путинээс дорд үзэж,монголчуудыг оросуудаас дорд үзэж байна! Тэд ичихгүй Путины Оросын "улны новш"-ууд хэвээрээ л байна!"