УИХ-ын Төрийн байгуулалтын байнгын хорооны хуралдаанаар Үндсэн хуулийн өөрчлөлтийн төслийг хэлэлцэж байна. Энэ үеэр Хууль зүй, дотоод хэргийн сайд Х.Нямбаатар "Монгол Улсын Үндсэн хууль шинэ Үндсэн хуулиа баталснаас хойших 33 жилийн хугацаанд эдийн засаг бараг 300 дахин өссөн хэдий ч ядуурлын хувь хэмжээ тав, зургаахан хувиар өөрчлөгдсөн.

Мажоритар тогтолцооны алдаа өнгөрсөн жилүүдийн эдийн засгийн хэдхэн суурь үзүүлэлтүүдээс харагдана. Монгол Улсын эдийн засаг өссөн хэдий ч 76 тойрогт хөрөнгө оруулалт нэрийн дор улсын төсвийг жигд тэгш хуваарилдгаас болж макро эдийн засагт чухал нөлөө үзүүлэх төслүүдийг хэрэгжүүлж чадаагүй. 1985 онд хамгийн сүүлийн цахилгаан станц ашиглалтад орсон. Түүнээс хойш нэг ч цахилгаан станц барьж байгуулаагүй" гэлээ.