УИХ-ын гишүүн С.Бямбацогт, ХЗДХЯ-ны бодлого хэрэгжилтийн газрын дарга Ж.Үнэнбат, Бэлон ХХК-ийн захирал Р.Баатархүү, БОАЖЯ-ны газрын дарга Ч.Батсансар, Ховд аймгийн Цагдаагийн газрын дарга Ганболд, Сүхбаатар дүүргийн Цагдаагийн хэлтсийн дарга Батзаяа, Ховд аймгийн ИТХ-ын дарга Г.Пүрэвгарди, Засаг дарга асан Баярсайхан, Засаг даргын орлогч Ч.Уранчимэг, сумын Засаг дарга, ИТХ-ын дарга, байгаль хамгаалагч нар гэх зэрэг нийт 34 албан тушаалтан холбогдсон хэргийг АТГ-аас шалгаснаар анх Ховдын мафи гэдэг хэргийн талаар тодорхой хүрээнд хүмүүс мэдэх болсон. 

 С.Бямбацогтын  улс төр, бизнес, хууль хүчний байгууллагуудыг холбосон сүлжээ бүхий Ховдын мафи гэх бүлэглэлд хамаарах хэргийг шалгах явцад УИХ-ын гишүүн С.Бямбацогт, Ховд аймгийн Засаг дарга асан Д.Галсандондог, Сүхбаатар дүүргийн Цагдаагийн хэлтсийн дэд дарга Батзаяа, БНХАУ-ын  иргэн Ху Лиан нарт хамаарах хэргийг тусгаарлаж үлдээсэн байдаг.