Төр, нийгмийн нэрт зүтгэлтэн С.Зоригийг хөнөөсөн хэрэгт буруутгагдан шалгагдаж байсан Б.Содномдаржаа, Т.Чимгээ нарыг С.Зоригийн амь насыг хөнөөсөн нь тогтоогдоогүй тул эрүүгийн хэрэг үүсгэсэн тогтоолыг хүчингүй болгосон. 

Энэ талаар ХЗДХ-ийн сайд Х.Нямбаатар "Энэ оны гуравдугаар сарын 23-ны өдөр Нийслэлийн Ерөнхий прокурорын газарт ЦЕГ-аас Б.Содномдаржаа, Т.Чимгээ нарт холбогдох үйлдлийг хэрэгсэхгүй болгох саналаа дахин хүргүүлсэн.

Өнөөдөр Нийслэлийн прокурорын газраас мөрдөгчийн ирүүлсэн саналыг үндэслэж, Б.Содномдаржаа, Т.Чимгээ, Ц.Амгаланбаатар нарт холбогдуулан 830142 дугаартай эрүүгийн хэрэг дээр яллагдагчаар татсан тогтоолыг хүчингүй болгож, шийдвэрлэж байна. Б.Содномдаржаа, Т.Чимгээ нарт холбогдох хэргийг хэрэгсэхгүй болгосон ч С.Зориг агсны амь насыг бүрэлгэсэн хэргийг үргэлжлүүлэн шалгана. Ажлын хэсэг гарсан.

Б.Содномдаржаа, Т.Чимгээ, Ц.Амгаланбаатар нар учирсан хохирлоо иргэний журмаар нэхэмжлэх эрх зүйн байдал үүснэ." хэмээв.

Ингэхдээ мөрдөн шалгах тус ажлын хэсгийг ЭЦА-ны дарга хурандаа Т.Сүхболд удирдах аж.