“Хөгжлийн банк"-ны гэх эрүүгийн хэргийн шүүх хурал өнөөдөр хоёр дахь өдрөө үргэлжилж байна. Нийслэлийн прокурорын газраас Хөгжлийн банктай холбоотой гэх 80 гаруй холбогдогч дөрвөн хуулийн этгээдэд хамаарах 460 гаруй хавтаст хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлсэн байдаг.

Өчигдрийн хуралдааны үеэр Хөгжлийн банкны хуулийн хэлтсийн дарга асан Б.Будхүү хуралд оролцохоор ирж явахдаа осолд өртсөн талаар түүний өмгөөлөгч мэдээлсэн. Тэрбээр одоо ГССҮТ-д гарандаа боолт хийлгэж байгаа аж. Гарын боолтоо дуусгаад хуралд ирнэ гэсэн билээ.

Тэгвэл өнөөдөр даргалагч шүүгч Ж.Болдбаатар түүний өмгөөлөгчийг хатуухан зэмлэн "Хурал дарааллын дагуу явах ёстой шүү өмгөөлөгч өө. Үйлчлүүлэгчээ аваар осолд орсон гэж худлаа хэлсэн. Б.Будхүү аваарт ороогүй. Монгол хүн амныхаа билгээр гэдэг шүү" гэв.

Яг одоо шүүх хуралдааны завсарлага дууссаны дараа прокуророос үргэлжлүүлэн яллах дүгнэлтийг танилцуулж байна.