80 хүн, дөрвөн хуулийн этгээдэд холбогдох эрүүгийн хэргийн гэм буруугийн шүүх хуралдаан 2 дахь өдрөө үргэлжилж байна. Өнөөдрийн хуралдаанаар яллагдагчдын өмгөөлөгч нар шинжлэн судлах материалаа танилцуулж буй. Хэргийн оролцогч талуудын байр суурийг шүүх бүрэлдэхүүн сонсож, таван багц асуудлаар шийдвэр гаргаснаа шүүх бүрэлдэхүүн танилцууллаа. Тухайлбал, Хөгжлийн банкнаас гарсан зээлийнх нь цаг хугацаагаар шүүх хуралдааны дарааллыг тогтож, хэлэлцүүлэг хийнэ. Мөн шүүх бүрэлдэхүүн яллах дүгнэлтийг бүрэн уншуулах шаардлагагүй гэж үзэн шүүх хуралдааныг өдөрт найман цаг явуулахаар тогтлоо. 

Н.Алтанхуяг, Ч.Отгочулуу, Я.Батцэцэг нарын өмгөөлөгч нараас ирүүлсэн хэргийг тусгаарлах хүсэлт болон нэр бүхий гэрчүүдийг оролцуулах тухай хүсэлтийг хүлээн авах боломжгүй гэж үзлээ. 

Одоо улсын яллагч хэргийн яллах дүгнэлтийг танилцуулж байна.