Төрийн албаны зөвлөлийн 2021, 2022 оны тайланг УИХ-ын чуулганы нэгдсэн хуралдаанаар хэлэлцэж байна.

Энэ үеэр УИХ-ын гишүүн М.Оюунчимэг "Чуулганы хуралдаанаар уг асуудлыг хэлэлцэж байгаа нь төрийн албыг хүчтэй, хариуцлагатай болгоход чухал үүрэгтэй юм. 

Сүүлийн жилүүдэд наймаа, гуйлга, тохироо, нөлөөлөлд дунд төрийн алба үнэхээр хүчгүйдэж, сульдсан. Үүний нөлөөллөөс болж, бодит байдалд төрийн жинхэнэ албан хаагчдыг харлуулдаг болсон байна. 

Аливаа улс орны төрийн алба хүчтэй байж, иргэддээ шударга, шуурхай үйлчилдэг. Тэр хэмжээгээрээ улс орны хөгжил урагшилдаг юм.

Гэтэл манай улсын төрийн албанд цүнх баригчид, дарга дагаж гүйдэг хүмүүс их болсон. Энэ хүмүүс нь мэргэшсэн төрийн албан хаагчдынхаа нэр хүндийг унагаадаг. Үүний улмаас төр гэж замбараагаа алдсан, цомхотгох хэрэгтэй гэх яриа ч тархсан. Иймд бид зүгээр нэг тайлан сонсоод зогсохгүй заавал арга хэмжээ авах ёстой. 

Гаднын орнуудад төрийн албан хаагчаас авдаг шалгалтдаа тухайн хүний иргэдтэй харилцах хандлага, ёс зүй ямар байна вэ гэдэг шалгуур нэгдүгээрт байдаг. Харин манай улсад тухайн шалгуулагчийг унагаах, танин мэдэхүйн шинж чанартай хүнд асуултууд оруулж байгаа" хэмээв. 

ШУУД: