Ардчилсан намын УИХ дахь бүлгийн дарга Д.Ганбат байнгын хорооны хурлаар Хууль зүйн яамны нарийн бичгийн дарга П.Сайнзоригоос дараах асуултыг асуусан юм.

    Тэрбээр  “Сонгууль ойртож байгаа юм байна л даа. Ээлжит попорсон хуулиа л батлах гээд л зүтгүүлж байгаа юм байна гэж ойлгож байна. Миний хувьд ямар ч падгүй хууль байна. Яагаад гэвэл миний ах дүү нар олуулаа. Хэн ч төрийн албанд ажилладаггүй. Хэн ч тендер аваагүй. Тийм болохоор надад хамаагүй. Ардчилсан нам, үндсэн хууль үзэл баримтлалдаа үнэнч байгаа нь хаана ч шахагдаж байдаг. Үүнд яриад байх юм ч алга. Эргээд ард түмнээ хуурах үйл ажиллагаагаа явуулж байна. Үүнийгээ дагаад баахан хууль нэмэгдэх юм байна. Наадхаа хийх гэж байгаа бол гүйцэт хий. Хамгийн самардаг юм чинь бол нууц амрагууд маш том албан тушаал хашиж байгаа. Түүнийг өдөр шөнөгүй л хэвлэлүүд бичиж байгаа. Үүнийгээ энэ хуульдаа оруулах юм уу” гэжээ.