УИХ-ын гишүүн Ч.Ундрамтай холбоотой асуудал цахим орчинд түгснээс хойш нилээдгүй хугацаа өнгөрлөө. Түүний нөхөр Б.Наранцацралт "Ч.Ундрам нь гэр бүлийн хүчирхийлэгч, гэр бүлээс гадуурх харилцаатай" хэмээн олон нийтийн сүлжээнд цацсан юм. 

Энэ мэт асуудлын араас тэрээр хөдөө орон нутагт очиж тойргийн усалгааг үндсээр нь хийж байгаа сурагтай. Тэгвэл өнгөрсөн амралтын өдрөөр УИХ-ын гишүүн Ч.Ундрамын бот хаяг ил боллоо. 

Тодруулбал, тэрбээр твиттер хуудсаараа цахим тайлангаа нийтэлсэн бөгөөд түүнийхээ дор өөрийнхөө хаягаар "Гурав дахь тайлан гэнэ. Зөв зөв" хэмээжээ. Улмаар уг сэтгэгдлээ устган "Орон нутгийн багш" гэх дахин тус сэтгэгдлээ дахин нийтэлсэн юм.

Харин эл үйлдлийг түүний туслах "Би хаягаа солилгүй гишүүний хаягаар сэтгэгдэл бичиж алдаа гаргалаа" хэмээн жиргэсэн нь "Орон нутгийн багш" гэх хаяг нь Ч.Ундрам гишүүний туслахын буюу түүнтэй холбоотой бот хаяг болох нь батлагдав.

Тэгвэл Ч.Ундрам гишүүний бот хаягаараа "Ерөнхий сайд, генсек" зэрэг намын удирдлагуудаа муулж байсан нь батлагдлаа.