УИХ-ын гишүүн Д.Ганбат "Ардчилсан нам хүүхдийн мөнгийг санаачлаад хэрэгжүүлэхдээ алагчилдаггүй байлаа. Энэ бол байгалийн баялгийг хүүхдээр дамжуулж ард иргэддээ олгодог зөв хувилбар гэж үздэг. Түүнээс халамж биш шүү дээ. Гэтэл МАН өнгөрсөн оноос халамж гэж бүртгээд, хууль баталсан юм билээ. Энэ Монгол Улсын Үндсэн хуульд нийцэхгүй. Хүүхдийг баян, ядуу гэж ялгаж болохгүй.

Ам бүлийн орлого нь 3.5 саяас дээш гээд хүүхдийн мөнгөнөөс нь хасаж байна. Энэ мөнгө ойролцоогоор мянган ам.доллар. Дунд зэргийн хөгжилтэй оронд хүнд, хэцүү хар ажлыг хийж байгаа хүмүүсийнх нь л цалин шүү дээ. Гэтэл Монголд ингээд ажлаа хийгээд, татвараа төлөөд явж байгаа хүмүүсийн хүүхдийн мөнгийг хасаж байгаа нь буруу. Үүнийг засаж сайжруулах ёстой" гэв.