Засгийн газраас нүүрсний хулгайн мөрдлөгийн ажилд дэмжлэг үзүүлэх штабыг өчигдөр байгуулсан. Хууль, хил, гаалийн байгууллагуудын удирдлага, мөрдөгч нарыг багтсан тус штабыг Хуульзүй, дотоод хэргийн сайд Х.Нямбаатар ахлан ажиллаж байна.

Тэрбээр өдөр бүрийн 11.00 цагт нүүрсний хулгайн хэргийн мөрдөн шалгах ажиллагааны явцын талаар мэдээлэл өгөхөөр боллоо. Өнөөдөр гаалийн байгууллагын шалгалтын үр дүнг танилцуулж, бүртгэлгүй гаргасан нүүрсний талаар мэдээлэл өгсөн бол маргааш нүүрсний хэрэгтэй холбоотой хүмүүсийн талаар мэдээлэл өгнө.