Улс төрч Б.Жаргалсайхан өөрийн цахим хуудастаа "Д.Дорлигжав бол багтаамж сайтай хогийн сав, яаж ч ороолгосон зодуур даах хэнэггүй толгой л доо. Түүнийг хүн алсан, бага насны охин хүчиндсэн гээд гөрдөхөд "Үнэн" гэх бэлэн хөрс суурь, олон нийт байна. Яагаад гэвэл тэр өөрөө "Худлаа" гээд заргалдах хэмжээний хүн биш юм. Бараг дөжирчихсөн, хэнэггүй нь дэндсэн толгой болов уу.

Сая Хуульзүйн сайд Х.Нямбаатар "Токио Инн" зочид буудлыг прокурор асан Д.Дорлигжав булаасан гэхэд гайхаж суулаа. Баруун 4 зам дээр баригдсан "Токио Инн" зочид буудал Тагнуулын Ерөнхий газрын дарга асан Д.Гэрэлийн зочид буудал юм. Токио хотод консулаар сууж байхдаа Д.Гэрэл хөрөнгө оруулагч олсон гэж бодож байв. Гэтэл яагаад Д.Дорлигжав гадны хөрөнгө оруулагч нараас булаадаг билээ. Цаг хугацааны хувьд таарахгүй ийм хачин зүйл Хуульзүйн сайд Х.Нямбаатар ярьсан нь "Номхон тэмээг ноолоход амар" гэгч болов уу даа. Д.Гэрэл бол булаах, булаалгах хэмжээний хүн, албан тушаалтан байгаагүй. Харин булаалгасан гэж гомдол гаргагч андуурсан юм болов уу. Сэдэв олдохгүй болохгүй болохоор "зохиочихоогүй" байгаа гэсэн бодол төрөв. Нөгөө талаар "эхнэр хүүхдээ танихгүй" гээд байгаа Тордойн Ганболдтой холбоотой хэрэг шүүх дээр шийдэгдсэн хэрэг. Гол холбогч С.Баясгалан нь гавъяат болоод төмөр зам бариад мандаж байгаа шүү дээ. Шүүхийн шийдвэрийг сайд эсэргүүцээд байгаа бололтой юм. Огт хамааралгүй зочид буудлыг хаа хамаагүй Д.Дорлигжавтай холбоод явж өгч байгаад гайхаад л. Та гайхаж эргэлзэхээ бүр болиод "манкур" болчихсон юм биш биз" хэмээн бичжээ.