Салбарынх нь ажил явахгүй байлаа ч сайдын суудлаа бат араанд нь хийдэг улс төрчид МАН-д бас байна. Тэдгээрийн төлөөлөл нь Л.Оюун-Эрдэнийн Засагт хэвээр үлдэх нь тодорхой болоод буй. Ерөнхийлөгчийн найз Г.Сайханбаяр, Д.Амарбаясгалангийн найз Б.Бат-Эрдэнэ, Б.Батцэцэг гэсэн сайд нарыг хэлж болно. Тэд засагтаа хэвээр үлдэхдээ хэд хэдэн тохироо хийгээд авчээ. 

Ямартай ч дээрх сайдууд үлдэх нь тодрхой болсон тул салбарынх нь зарим агентлагийн удирдлагуудыг сольж магадгүй шүү гэсэн чиглэлийг ч намаас нь өгчээ. 

Удахгүй гадаад хэргийн сайд Б.Батцэцэг сайдаар үлдсэнийхээ бэлгийг барьж хэд хэдэн консул, элчин сайдуудыг намынхаа удирдлагуудын хүсэлтээр томилох, бэлтгэх ажилд орох аж. 

Ирэх өвөл нийслэлчүүдиийг утаагүй байлгах асуудлыг өөрт нь даалгахыг Б.Бат-Эрдэнэ сайд Л.Оюун-Эрдэнээс хүсчээ. Тэрээр сайжруулсан түлш, Таван толгой түлш, хэрэгжилт, хяналт гээд бүх ажлыг удирдан намдаа талархаснаа илэрхийлэх хүсэлтэй байгаа гэнэ.