Хөгжлийн банкны чанаргүй зээлтэй холбоотой үе үеийн удирдлагуудыг цагдан хорих эсэх шүүх хурал өнөөдөр  Баянзүрх, Чингэлтэй, Сүхбаатар дүүргийн шүүхэд товлогдсон байна.

Прокурорын байгууллагаас Хөгжлийн банкны зээлдэгч болон зээл олгосон нэр бүхий 10 гаруй хүнийг цагдан хорих саналыг шүүхийн байгууллагад өнөөдөр /2022.02.18/ шилжүүлсэн байна.

Тодруулбал, шүүхэд чанаргүй зээл олгосон гэгдэх Хөгжлийн банкны удирдлагаар ажиллаж байсан Н.Мөнхбат мөн тухайн үеийн ТУЗ-ийн дарга асан Б.Шинэбаатар болон тэргүүн дэд захирал асан Ч.Энхбат, Монгол Улсын Хөгжлийн банкны гүйцэтгэх захирлын Ажлын албаны дарга асан Д.Дэлгэрсайхан, Б.Батбаяр, Хөгжлийн банкны Дэд захирал Ч.Мөнхбаяр  нарыг  цагдан хорих хүсэлт ирсэн бол, компаниудын хувьд  аль компанийн хэн гэж хүнийг цагдан хорих санал хүргүүлсэн нь одоогоор тодорхойгүй байгаа юм.