Нэр бүхий гишүүдийн маргаан үүсгэж цэц хандсан асуудалтай холбоотой Үндсэн хуулийн цэцийн дунд суудлын хуралдааныг энэ сарын  27-нд буюу ирэх даваа гаригт хийхээр товлоод байна.

Тодруулбал, Улсын Их Хурлаас 2019 оны арваннэгдүгээр сарын 14-ний өдөр баталсан Монгол Улсын Үндсэн хуулийн нэмэлт, өөрчлөлтийн Гуравдугаар зүйлийн 10 дахь заалтаар Монгол Улсын Үндсэн хуулийн Гучин есдүгээр зүйлийн 1 дэх  хэсгийг “... Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно” гэж өөрчлөн найруулсан нь  Үндсэн хуулийн Оршил болон холбогдох заалтыг  зөрчсөн эсэх маргааныг хянан хэлэлцэнэ гэж Цэцийн хэвлэл, мэдээлэл, олон нийттэй харилцах албанаас мэдээлэв.