Монгол Улс бүх нийтийн бэлэн байдлын зэрэгт шилжин хоёр дахь долоо хоногтойгоо золгож байна. Энэ цаг мөчид бид вакцинаа хийлгээд амжсан бол хөл хорио тавихад асуудалгүй л байлаа. Гэвч вакцинжуулалтын ажил зогссон.

Вакцин дээр Гадаад харилцааны сайд Б.Батцэцэг нь тааруухан ажиллах шиг боллоо. 2021 оны гуравдугаар сарын 12-нд Олон улсын хөтөлбөрийн хүрээнд ирж буй вакцин хүлээж авахдаа, дараа нь мөн сарын 26-ны өдөр, дөрөвдүгээр сарын 2 гээд байсгээд л мэдэгдэл хийж шоудаад байсан. Гэвч яриа хэлэлцээрээ гүйцэт хийж, ачилт таталтаа амжуулж чадсангүй бололтой. Уг нь өнгөрсөн хоёрдугаар сард сайд Б.Батцэцэг БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И-тай утсаар ярьж байсан. Гэтэл вакцины асуудал нь ингээд таг зогсчихдог... 

Тэгвэл өнөөдөр сайд маань АНУ-ын Төрийн нарийн бичгийн дарга Э.Блинкентэй утсаар ярьжээ. Утсаар ярьж ажил хэргээ гүйцэлдүүлдэг нь үнэн хэдий ч энэ мэт зүйлийг мэдээ болгоод цацаад байх нь хэр тохиромжтой вэ?