Төрийн ордны тамхины цэгээс мэдээлэл сонсдог гэх Б.Сүндэрьяа буюу Сүнээ нэр бүхий УИХ-ын эрхэм гишүүнд, дарамтлуулсан, одоо ч дарамтлуулж байгаагаа цахим хуудаснаа нийтэлсэн юм.  

Тэрбээр 2019 оны зунаас эхлэн өөрийнх нь амьдрал там болж, тухайн үед Монголын томоохон бизнесмен, өдгөө УИХ-ын эрхэм гишүүн түүнийг  ойртож, дотносохын хүсэхэд хариу үйлдэл үзүүлснээр бүх үйл явдал эхэлсэн талаараа бичжээ. Түүний бичсэнээр тэрхүү эрхэм нь хууль бус бүх зүйлээ цэвэрхэн зохицуулдагаараа, луйварчин бизнесмен гэдгээрээ алдартай. Мөн хуулийн өмнө хэзээ ч хариуцлага хүлээдэггүй нэгэн аж.

2020 оны УИХ-ын сонгуулийн өмнө түүгээр туг тахиж, УИХ-ын гишүүн болсон гэнэ. Тэрбээр “2020 оны 6 сарын УИХ сонгуулийн тэр бичлэг зургуудыг цацсан хүн нь, захиалагч нь Ардчилсан нам биш манай намын энэ эрхэм гишүүн шүү дээ! Өрсөлдөгчөө дарах гэж 5 залуугаар Эрдэнэт хотод миний бүх шалдан нүцгэн зураг бүх манай намын дарга нартай авхуулсан зургийг маань эвлүүлж дуу хоолой оруулж цаг мөнгө заран байж захиалж хийлгүүлсэн хүн шүү дээ. Бичлэг зохиож дуу оруулж эвлүүлсэн ханш нь 30 сая төгрөг авсан юм билээ. Хөөрхий минь дэвшиж буй нутгынхаа малчдад мотоцикл мөнгө бензины талон тарааж сүүлийн 3 сар сайн тордсоон. МАН УИХ дэвших эрхийг Занданшатар дарга олгосон юм билээ. МАН УЗ зөвшөөрүүлж чадсан” гэжээ.

Мөн үлдсэн зураг, бичлэгүүдийг чинь цацаж, нийгэмд  адлуулна хэмээн заналхийлж эхэлсэн байна.

Б.Сүндэръяа энэ талаар бичиж байгаа шалтгаанаа өөрт нь ямар нэгэн зүйл тохиолдвол УИХ-ын танхимд суугаа эрхэм гишүүнтэй холбоотой гэв. Харин нэрийг нь бичиж, олон нийтэд ил болгосонгүй.

Тэгвэл 2021 оны 4 сарын 11 өдөр пост оруулсанаас хойш хэд хэдэн УИХ гишүүн түүн рүү холбогджээ. Тэд сонгуулийн өмнө ингэх хэрэг байна уу. Постоо устгачих. Чи яагаад ч тэр хүнийг дийлэхгүй шүү. Ямар муу хүнийг нь бид сайн мэддэг ч намын нэр хүнд яваад байна гэж” залгасан гэнэ. Тиймээс цаашид хэвлэлийн хурал зарлаж, хэн гэдэг УИХ-ын гишүүн болохыг олон нийтэд зарлахаа мэдэгдлээ.

Түүний хоёр ч удаагийн нийтэлсэн постыг олон нийт уншаад УИХ-ын гишүүн Ц.Анандбазар хэмээн таамаглаж байв.

Харин УИХ-ын гишүүн Ц.Анандбазар “Түүнд ийм бусармаг явдал үнэхээр тохиолдсон бол харамсаж байна. Мөн уг асуудлыг хуулийн байгууллага шалгаж буруутай этгээдэд зохих хариуцлагыг хүлээлгэх ёстой гэж үзэж байна. Ийм зүй бус үйлдлийг цаг тухайд нь таслан зогсоож байх ёстой. Харамсалтай нь хэн гэдэг УИХ-ын гишүүн хүн түүнд дарамт үзүүлж байсныг нэрлээгүй учир нийгэмд УИХ-ын гишүүн Ц.Анандбазар намайг холбогдуулан нэрлэж, бичиж эхэлжээ. Ард түмний өмнө хууль ёсыг сахин биелүүлнэ гэж тангараг өргөсөн УИХ-ын гишүүний хувьд Ц.Анандбазар миний бие “Сүнээ” гэх нэрээр нийгмийн цахим сүлжээнд танигдсан Б.Сүндэръяаг танихгүй, уулзаж байгаагүй, тухайн мэдээлэлд дурдагдсан шиг үйлдлийг огт хийгээгүй гэдгээ хариуцлагатайгаар мэдэгдье” гэжээ.

Ямартай ч Сүнээд бэлгийн дарамт үзүүлэх гэж оролдсон, одоо ч хувийн харилцаа үүсгэхийг санал болгож, дарамталсаар байгаа гэх УИХ-ын гишүүний нэр удахгүй олон нийтэд ил болох бололтой.  ЭНЭ ГИШҮҮН ХЭН БЭ?