Яг одоо Засгийн газраас мэдээлэл хийж байна. Бүх нийтийн бэлэн байдалд шилжсэн энэ өдрүүдэд вакцинжуулалт хийх байсан ч хойшлуулаад байгаа талаар тодорхой мэдээллийг өгч байна. 

Шадар сайд С.Амарсайхан: УОК, Засгийн газрын шийдвэр гарч улаан түвшинд шилжээд байна. ЭМЯ, ХӨСҮТ-өөс цаг үеийн байдалд үнэлгээ хийж хатуу хөл хорио тавих саналыг оруулж ирсэн бөгөөд өнгөрсөн пүрэв гарагт шийдвэр гарсан. Тархалтын тоог нэн тэргүүнд бууруулах, вакцинжуулалтын ажлыг бууруулахгүй байх зорилгоор энэ хөл хориог тавьсан. ЭМЯ-аас хөл хорионы өдрүүдэд вакцинжуулалтыг хийхгүй байх чиглэлийг өгсөн бөгөөд бид энэ чиглэлийг баримталж ажиллахаар болсон. Иргэдээс нууж хаасан зүйл байхгүй. Зарим вакцин татан авалтын хугацаа бага зэргээр хойшилсон. 

192'000(нийт үлдэглэл) - 82'000 (AstraZeneca) - 12'800(Pfizer) = 97'200 (verocell үлдэгдэл). Энэ нь өдөрт 30'000 хүнд хийхэд 3 өдрийн л нөөц юм. Харин сүүлийн өдрүүдэд өдөрт 60 орчим мянган тун вакцин хийж байсан. Энэ хурдаар тооцож үзвэл 1.5 өдрийн нөөц үлдсэн гэсэн үг юм.