Сүүлийн үед МАН-аас гаргасан тэтгэлэг олгох мэдээлэл олны дургүйцлийг төрүүлээд байгаа. Энэ талаар МАН-ын Ерөнхий нарийн бичгийн дарга Д.Амарбаясгалан нүүр номоороо дамжуулан “Ардын нам дэлхийн арван улсын намтай гэрээ байгуулсан, “Хамтын ажиллагааны санамж бичиг”-т намуудын бүх шатны төлөөлөл, намын дэргэдэх эмэгтэйчүүд, залуучуудын байгууллагын гишүүдийн хооронд харилцан туршлага солилцох, боловсон хүчин бэлтгэх, тэтгэлэгт хөтөлбөрт гишүүдээ хамруулах талаар тохиролцсон” тухайгаа тайлбарлажээ. Өөрөөр хэлбэл МАН-д элссэн залуучууд олон улсын тэтгэлэг, хөтөлбөрт хамрагдах аж.

МАН-аас зохион байгуулж байгаа хөтөлбөр хэдий ч энэ тайлбарыг харвал МАН-д элссэн гишүүдэд л илүү их боломж олгогдоно гэсэн ойлголт төрөхөөр байна. Ингэж айлын хүүхдүүдийг алагчилж үзэх хэрэг байдаг уу.