“Улс төрийн намын тухай хууль: Тулгамдсан асуудлууд, шийдвэрлэх арга замууд” хурал өнөөдөр зохион байгуулагдаж байна.

“Шилэн нам" авлигын эсрэг түншлэл, Транспэрэнси Интернэшнл Монгол ТББ -аас Европын Холбооны дэмжлэгтэйгээр өнөөдөр зохион байгуулж буй тус хуралд удахгүй шинээр өргөн баригдах гэж байгаа Улс төрийн намын тухай хуулийн шинэчилсэн найруулга бүхий төслийг танилцуулж, намыг тойрсон бусад сэдвээр хэлэлцүүлгийг зохион байгуулж байна.

Монголын өнөөгийн улстөрийн намууд цөөн хэдэн хүн, бүлэглэлд үйлчилдэг институт болж хувирсан. Бодлого шийдвэр нь судалгаанд тулгуурлахаас илүүтэйгүүр  лидерийн мэдрэмж, олон нийтийн санаа бодол, нийгмийн цахим сүлжээ, бизнесийн бүлэглэлүүдийн захиалга, санал бодолд тулгуурлах хандлагатай болсон” гэж улс төр судлаач, доктор Т.Ууганбаяр хурлын үеэр хэлсэн юм.