Төрийн ордны Их танхимд "Монгол цэргийн нэгдсэн холбоо"-ны анхдугаар Их хурал боллоо. Энэхүү холбооны Их хуралд Ерөнхий сайд У.Хүрэлсүх болон УИХ-ын гишүүд болон цэрэг, цагдаагийн дарга нар, ахмад алба хаагч зэрэг 900 гаруй хүн оролцож байна.  

Энэхүү "Монгол цэргийн нэгдсэн холбоо"-ны бүтэц зохион байгуулалтын хувьд тэргүүн болон Удирдах зөвлөлийн 31 гишүүн, Хяналтын зөвлөлийн таван гишүүнтэй аж.

Харин холбооныхоо ээлжит Их хурлыг зургаан жилд нэг удаа, ээлжит бус хурлыг холбооны тэргүүний шийдвэрээр хуралдуулж байхаар тогтжээ. Холбооны зорилго нь залуу үед эх оронч үзлийг төлөвшүүлэн бодлого, үзэл баримтлалыг боловсронгуй болгох, түүнийг хэрэгжүүлэх арга замыг тодорхойлох чиглэлээр Монгол Улсын төр, иргэний нийгмийн байгууллагатай хамтарч ажиллан, дэмжлэг үзүүлэх аж.