Ерөнхий сайд У.Хүрэлсүхийг огцруулах тухай тогтоолын төслийг УИХ-ын Төрийн байгуулалтын байнгын хороо хэлэлцэж дэмжлээ.

Ингэснээр Засгийн газрыг огцруулахыг Төрийн байгуулалтын байнгын хороо мөн дэмжиж байгаа юм. Мөн тогтоолын төсөлд дараагийн Ерөнхий сайдыг томилтол У.Хүрэлсүхийг биш Шадар сайд Ө.Энхтүвшинг Засгийн газрын тэргүүнээр ажиллуулах саналыг байнгын хорооны гишүүд дэмжлээ. Тогтоолын төслийг УИХ-аар хэлэлцүүлж байж эцсийн шийдвэр гаргах юм.