Ерөнхий сайд асан Ч.Сайханбилэгийн бие муудаж, өчигдөр Улсын хоёрдугаар төв эмнэлэгт хүргэгджээ.  Биеийн байдал нь хүндэрсэн учраас эмч нарын зөвлөгөөнөөр орж, яаралтай мэс засалд оруулах шаардлагатай болсон байна. Түүнд маргааш хагалгаа хийхээр эмч нар товлоод байгаа аж.

Түүнийг өнгөрсөн дөрөвдүгээр сарын 10-ны өдөр саатуулан хорьж, дахин хугацааг нь сунгасан юм. Тэрээр саатуулахаас өөр таслан сэргийлэх арга хэмжээ авах хүсэлт гаргасан ч шүүх хүлээж аваагүй юм. Түүний биеийн байдал сүүлийн өдрүүдэд эрс муудсан учраас ийнхүү сайд нарын II эмнэлэгт шилжүүлэн хэвтүүлжээ.