Ерөнхийлөгчөөс УИХ-д хүргүүлсэн Элчин сайдууд дунд тэдний нэр байхгүйгээс харахад энэ удаа мөн татгалзсан бололтой.

Ерөнхийлөгч Х.Баттулга гадаад оронд суух зарим Элчин сайдын нэрийг УИХ -тай зөвшилцөхөөр хүргүүлжээ. Засгийн газраас Элчин сайдаар томилох зургаан хүний нэрийг Ерөнхийлөгчид хүргүүлсэн бол хоёр нь “бүдэрчээ”. Эдгээр нь Г.Тэнгэр, Н.Чимгүүндарь нар юм. Одоогоос жилийн өмнө Г.Тэнгэрийг Японд, Н.Чимгүүндарийг Канадад суух Элчин сайдаар УИХ -ын нэгдсэн чуулганаар томилсон ч, Ерөнхийлөгч Х.Баттулга ит гэмжлээгүй.

Ерөнхийлөгч Элчин сайдуудыг зөвшилцөхөөр хүргүүлсэн бичигт тэдний нэр байсангүй

Гадаад харилцааны салбарт ажилласан туршлага нимгэн гэсэн үндэслэлээр удтал хүлээсэн тэднийг Засгийн газар өөр улсад буюу Н.Чимгүүндарийг Тайланд, Г.Тэнгэрийг Австрали руу томилохоор дахин санал болгосон. Гэвч Ерөнхийлөгчөөс УИХ -д хүргүүлсэн Элчин сайдууд дунд тэдний нэр байхгүйгээс харахад энэ удаа мөн татгалзсан бололтой.

1994 онд Токио хотын Гадаад хэлний сургууль, 1998 онд Япон улсын Ёкохамагийн Үндэсний дээд сургууль, 2016 онд МУИС -ийн Нийгмийн ухааны сургуулийг төгссөн. Англи, япон хэлний мэдлэгтэй, төрийн албанд есөн жил, дипломат албанд нэг жил ажилласан бол Г.Чимгүүндарь 1983 онд төрсөн. Ерөнхийлөгч Г.Тэнгэр, Н.Чимгүүндарь нарыг дэмжихгүй байгаа шалтгаанаа тайлбарлахдаа “...Гэвч Элчин сайдаар ажиллахаар болсон эдгээр нэр дэвшигч нь тухайн албыг хаших насны шалгуурыг хангаагүй, тэднийг томилохдоо төрийн албаны мерит зарчмыг зөрчсөн болон Монгол Улсын чухал гуравдагч хөрш орнуудад суух Элчин сайдын өндөр хариуцлагатай албыг зохих төвшинд хашиж чадахгүй гэж үзэж байгааг харгалзан тэднийг тохоон томилох тухай зарлиг болон Итгэмжлэх жуух бичгийг гаргах боломжгүй байна” гэсэн. Ерөнхийлөгчийн шаардлагыг хангаж, дипломат албанд тэнцэхгүй байгаа Г.Тэнгэр 1974 онд Улаанбаатар хотод төрсөн.

Японд Д.Батжаргал, Канадад Я.Ариунболдыг томилно 

2006 онд Москвагийн Олон улсын харилцааны дээд сургууль, 2016 онд Францын Үндэсний удирдлагын их сургууль төгсч, Нидерландын Клингендалийн их сургуульд олон улсын харилцааны чиглэлээр мэргэжил дээшлүүлсэн. Франц, орос, англи хэлний мэдлэгтэй, “Тэргүүн итгэмжит” дипломат цолтой, гадаад харилцааны салбарт 11 жил ажилласан гэж танилцуулгадаа бичжээ. Нас залуу, туршлага нимгэн хүмүүсийг удаа дараа зүтгүүлээд буй Засгийн газрын шийдвэр анхаарал татаж байна.

Харин Ерөнхийлөгчийн зөвшилцөх саналд Монгол Улсаас Шведийн Вант Улсад суугаа Онц бөгөөд Бүрэн эрхт Элчин сайд М. Энхсайханыг эгүүлэн татаж, оронд нь О.Энхцэцэгийг томилохоор тусгасан байв. Мөн Их Британи, Умард Ирландын Нэгдсэн Вант Улсад суугаа Онц бөгөөд Бүрэн эрхт Элчин сайд С.Баярыг эгүүлэн татаж, Н.Тулгыг томилохоор болов. Мөн Японд Д.Батжаргал, Канадад Я.Ариунболдыг Элчин сайдаар томилохоор зөвшилцөх саналд тусгажээ.  

Б.Энх