БНЧУ-ын Парламентын Доод танхимын Тамгын газрын Ерөнхий нарийн бичгийн дарга Петр Кинштетр тэргүүтэй төлөөлөгчид манай улсад айлчилж байна
БНЧУ-ын Парламентын Доод танхимын Тамгын газрын Ерөнхий нарийн бичгийн дарга Петр Кинштетр тэргүүтэй төлөөлөгчид манай улсад айлчилж байна.
Бүгд Найрамдах Чех Улсын Парламентын Доод танхимын Тамгын газрын Ерөнхий нарийн бичгийн дарга Петр Кинштетр тэргүүтэй төлөөлөгчид 2014 оны 6 дугаар сарын 29-нөөс 7 дугаар сарын 2-ны өдрүүдэд Монгол Улсад айлчилж байна. Айлчлалын хүрээнд Бүгд Найрамдах Чех Улсын Парламентын Доод танхимын Тамгын газрын Ерөнхий нарийн бичгийн дарга Петр Кинштетр тэргүүтэй төлөөлөгчдийг Улсын Их Хурлын Тамгын газрын Ерөнхий нарийн бичгийн дарга Б.Болдбаатар өнөөдөр / 2014.07.01 / хүлээн авч уулзан, Хамтын ажиллагааны санамж бичигт гарын үсэг зурна. Мөн ноён Петр Кинштетр тэргүүтэй төлөөлөгчид Монгол Улсын Их Хурлын дарга З.Энхболдод бараалхана. Түүнчлэн төлөөлөгчид “Говь” ноолуурын үйлдвэр, “Гандантэгчинлэн” хийдэд зочилж, Үндэсний музей, Ваацлав Ираасек Skoda автомашины үзэсгэлэн үзэж сонирхох юм.