Ирц бүрдэхгүй гэдэг шалтгаанаар хойшлоод байсан Төсвийн байнгын хороо өнөөдөр хуралдаж Сангийн сайд Ч.Хүрэлбаатарын томилгоонд тавьсан Ерөнхийлөгчийн хоригийг хэлэлцлээ. Уг хоригийг Хууль зүйн байнгын хороо хэлэлцээд хүлээж авах шаардлагагүй гэж үзээд байсан юм. Төсвийн байнгын хороо мөн хүлээж авах боломжгүй гэж үзлээ. Хуралдаанд оролцсон гишүүдийн олонхи нь Ерөнхийлөгчийн хоригийг дэмжсэнгүй. Гэхдээ энэ нь эцсийн шийдвэр биш бөгөөд чуулганы нэгдсэн хуралдаанаар хэлэлцэж эцсийн шийдвэрээ гаргах юм.