УИХ-ын Төрийн байгуулалтын байнгын хорооны хуралдаан болж байна. Уг хуралдаанаар Зөвлөлдөх санал асуулга явуулах, Зөвлөлдөх зөвлөлийг байгуулах тухай УИХ-ын тогтоолын төслийг хэлэлцэж буй юм.

УИХ сар шинийн өмнөхөн Зөвлөлдөх санал асуулгын тухай хуулийг баталсан. Энэ хуулиар төрийн шийдвэр боловсруулах, хэлэлцэх, батлах, хэрэгжилтийг нь хянах бүхий л үйл ажиллагаанд иргэдийг оролцуулж, тэдний үзэл бодлоо илэрхийлэх, шийдвэрт саналаа шууд тусгах боломжийг бүрдүүлж өгсөн юм.

Харин одоо Зөвлөлдөх санал асуулга явуулах, Зөвлөлдөх зөвлөлийг байгуулах тухай УИХ-ын тогтоолын төслийг хэлэлцэж эхэлсэн нь Үндсэн хуульд нэмэлт өөрчлөлт оруулах тухай асуудлыг тодорхой асуудлын хүрээнд шийдээд явах бололцоог эрэлхийлж буйтай холбоотой юм.