Исламын Бүгд Найрамдах Афганистан Улсад явагдаж буй Эвслийн цэргийн хүчний тэргүүлсэн “Шийдвэртэй дэмжлэг” олон улсын ажиллагаанд АНУ-ын Зэвсэгт хүчинтэй хамтран үүрэг гүйцэтгэх Монгол Улсын Зэвсэгт хүчний цэргийн хамгаалалтын ротын V ээлжийн Цэргийн багийн бие бүрэлдэхүүн ажиллагааны газар орныг зориход бэлэн болж, Жанжин туганд хүндэтгэл үзүүлэх ёслолын ажиллагаа өчигдөр /2017.03.06/ “Морин цаг”-т ЗХЖШ-ын жагсаалын талбайд зохион байгуулагдлаа.