Бүх аймаг, нийслэлийн Засаг дарга нар Төрийн ордонд маргааш /2017.01.05/ чуулах гэж байна. Жил бүрийн шинэ оны эхэнд Засаг дарга нар Улаанбаатар хотод хүрэлцэн ирж, чуулан, Засгийн газрын хэрэг эрхлэх газрын даргатай үр дүнгийн гэрээ байгуулдаг юм.

Энэ удаад шинэ Засаг дарга нар чуулна. Учир нь, 2016 онд аймаг, нийслэлийн Иргэдийн хурлын төлөөлөгчийг сонгох сонгууль болж, Засаг дарга нарыг шинээр тодруулан, Ерөнхий сайд батламжилсан юм. Засаг дарга нар хоёр өдөр чуулна.