Ирц бүрдээгүйгээс байнгын хороод хуралдсангүй
УИХ-ын Эдийн засгийн байнгын хороо өнөөдөр 9 цагаас хуралдах байсан ч ирц бүрдээгүй тул хуралдааныг хойшиллоо.
Тус хуралдаанаар олны анхаарлыг татаж буй ипотекийн зээлийн асуудлаарх салбарын сайдыг мэдээллийг сонсохоор товлосон байв. Мөн Төрийн өмчит болон төрийн өмчийн оролцоотой компаниудын өр, зээлийг барагдуулж, ашигт ажиллагааны түвшинг дээшлүүлэх талаар авч хэрэгжүүлж буй арга хэмжээ, үр дүн болон 2017 онд хувьчлагдах обьектуудын хувьчлалын бэлтгэл ажлын явц, байдал, тулгамдсан асуудлуудын талаарх Төрийн өмчийн бодлого, зохицуулалтын газрын даргын мэдээллийг сонсох байсан ч хуралдаан хойшиллоо.
Төрийн байгуулалтын байнгын хороо 09.00 цагаас хуралдах ёстой байсан ч мөн ирц хүрээгүй тул хойшлов.