МАН-ын Удирдах зөвлөлийн гишүүд сайдад нэр нь дэвшээд буцаагдсан дөрвөн горилогчийг дахин УИХ-д өргөн мэдүүлэхгүй гэсэн байр суурь дээрээ бат зогслоо гэлээ. Хэдийгээр уг зөвлөл хэзээ хуралдах нь тодорхойгүй ч, Мэргэжлийн гэдгээрээ өмнөх Засгийн газраас ялгарах учраас санал нэгдсэн гэнэ.  АТГ-аас ирсэн зөвлөмжийн дагуу ашиг сонирхлын зөрчилтэй хэмээгдсэн дөрвөн сайдад олон нийтийн зүгээс ч таагүй хандсан. Тиймээс Ерөнхий сайд шийдвэрээ эргэн харж, 16 сайдаасаа 11-ыг нь үүрэгт ажилд нь томилж, дөрвийг нь үлдээсэн билээ. Оронд нь шинэ хүмүүсийг нэр дэвшүүлэхээр болсон тул намын гишүүдийн дунд хэнийгээ сойх тухай яриа гарч эхэлж. Ямар ч гэсэн чухал салбаруудыг удирдах сайдууд салбарын хүн байхаас гадна ур чадвар, туршлага хамгийн чухал.