УИХ-ын дарга З.Энхболд, Хөдөлмөрийн сайд Г.Баярсайхан, Уул уурхайн сайд, УИХ-ын гишүүн Д.Ганбат, бусад албан хүмүүсийн бүрэлдэхүүнтэй баг энэ сарын 1-3-ны өдрүүдэд Япон улсад ажлын айлчлал хийж байгаа билээ. Тэгвэл уг айлчлалынхаа үр дүнгийн талаар УИХ-ын дарга З.Энхболд өнөөдөр орой 19:00 цагаас Чингис Хаан Олон Улсын нисэх буудалд мэдээлэл хийхээр болжээ.

Уг айлчлалын үр дүнд Монгол Улс  Япон улстай гуравдагч хөршийн түншлэлийн хэлэлцээр хийгдэж, ирэх есдүгээр сараас 10 мянган ажиллах хүчинг тус улсад  гаргахаар болсон. Мөн Тавантолгойн нүүрсний ордын хаягдал нүүрсийг Япончууд технологийн дэвшлийн хүрээнд ашиглахаар болж, манай улсын Үндэсний үйлдвэрлэгчид татварын хөнгөлөлтэй нөхцөлд Японд экспорт хийх боломж нээгдсэн байна.