Офшор данстай гэх мэдээллийн талаар УИХ-ын гишүүн асан Д.Батбаяр тайлбар өглөө. Тэрбээр “Офшор данс гэж иргэн өөрийн эх орноос бусад оронд данс нээлгэхийг хэлээд байх шиг байна. 25 жилийн өмнөөс сумод барилдаж байхдаа эрүүл мэндэд шаардлагатай мөнгө, цалин мөнгийг дансаар авдаг байсан юм. Надад зөвхөн Японд дөрөв, таван данс байгаа. Одоо хаагдаад ганц хоёр нь л үлдэж байгаа байх. Учир нь тухайн дансанд ямар ч мөнгө байхгүй. Би зодог тайлахдаа байгаа бүх мөнгөө аваад, дансаа тэглээд үлдээсэн” гэжээ.