УИХ-ын дэд дарга, МАХН-ын гишүүн Л.Цог өнөөдөр намаасаа гарах өргөдлөө өгсөн талаар УИХ-ын гишүүн Г.Уянга цахим хуудастаа бичжээ. Л.Цог, Г.Уянга нар УИХ дахь МАХН-МҮАН “Шударга ёс” эвслийн бүлгээсээ хамтдаа гарсан. Түүний дараа Г.Уянга Тусгаар тогтнол Эв нэгдлийн намын даргаар томилогдсон. Харин Л.Цог гишүүний хувьд намаасаа гараад Г.Уянгын намд элсэхийг үгүйсгэхгүй. Учир нь ТТЭНН-ын хурал дээр Л.Цог индэр дээрээс үг хэлж байсан билээ. Түүнчлэн УИХ-ын гишүүн асан, Нарантуул Олон улсын худалдааны төвийн эзэн МАН-ын гишүүн Ш.Сайханбилэг өчигдөр намаасаа гарах өргөдлөө өгсөн гэх мэдээлэл байна. Түүний хувьд энэ жилийн сонгуулиар Завхан аймагт бие дааж нэр дэвших сураг дуулдаж буй.