Баянзүрх, Налайх дүүргээс сонгогдсон УИХ-ын гишүүн Ж.Батзандан, Ч.Ганхуяг нар  тойрогтоо  ажиллахаар болжээ. Тэд энэ сарын 31-нээс эхлэн иргэд сонгогчидтойгоо

уулзаж, санаачилж батлуулсан хуулийн төсөл, хийж хэрэгжүүлсэн ажлын тайлангаа  тавих юм байна.

Мөн УИХ-аас баталсан хууль, тогтоолын төслүүдийг танилцуулах, дүүргийн хэмжээнд хийгдсэн бүтээн байгуулалтын  талаар иргэдтэй  санал солилцох ажээ.

3-р сарын  31-с 4-р сарын 3-ны өдрүүдэд Баянзүрх, Налайх дүүрэгт дараах хуваарийн дагуу ажиллана.

1. 3-р сарын 31-ний 17:00 цагаас Олон нийт, цагдаагийн хамтын ажиллагааны төвийн хурлын зааланд 1, 4, 5, 22, 24-р хороодын иргэдтэй

2. 4-р сарын 1-ний 17:00 цагаас Батлан хамгаалахын их сургуулийн зааланд 8, 9, 16, 17, 19-р хороодын иргэдтэй

3. 4-р сарын 2-ны 12:00 цагаас 102-р сургуулийн зааланд 2, 7, 21, 27-р хороодын иргэдтэй

4. 4-р сарын 2-ны 15:00 цагаас Жанжин клубын хурлын зааланд 10, 12, 13, 23-р хороодын иргэдтэй

5. 4-р сарын 2-ны 18:00 цагаас 84-р сургуулийн зааланд 3, 6, 14, 15, 18, 25, 26-р хороодын иргэдтэй

6. 4-р сарын 3-ны 12:00 цагаас Налайх дүүргийн Соёлын  оронд Налайх дүүргийн иргэдтэй

7. 4-р сарын 3-ны 16:00 цагаас 85-р сургуулийн зааланд 11, 20, 28-р хороодын иргэдтэй тус тус уулзалт хийнэ.