МАХН-ын Генсек асан Г.Шийлэгдамба хагас тэрбум төгрөгтэй ажлын өрөөндөө "гардуулснаас" хойш нэлээн хугацаа өнгөрч, өөрөө болон намын нөхдийнх нь хувьд янз бүрийн нөхцөл байдал үүсэн, олон таамгуудыг араасаа дагуулж байгаа билээ. Тэрээр нэг намын журмын нөхдийнхөө хувьд бараг "урвагч" болон хувирч, намын дарга Н.Энхбаярыг зориуд цаанаас зохион байгуулалттайгаар гүтгэх үйл ажиллагаанд оролцож байгаа гэх буруутгалыг сонсоод байгаа юм. 

Тэр ч байтугай, түүнийг АН-ын эрх мэдэлтнүүдэд худалдагдсаныхаа төлөө дахин сайдын суудалдаа залрах гэж байгаа тухай намын зарим удирдах нөхдүүд нь хэвлэлийн хурал хийн олон нийтэд зарлан мэдэгдсэн. 

Тэгвэл Г.Шийлэгдамба энэ бүхэнд хариу болгон өөрийн олон нийтийн сүлжээ хуудсанд дараах зүйлийг бичин нийтэлжээ. Энд өгүүлснээр, тэрээр бүх зүйлийг бодит үнэнээр ярьж байгаа, ямар нэгэн албан тушаалд очихгүй гэдгээ ч мэдэгдээд амжсан байна.