УИХ-ын өнөөдрийн чуулганы нэгдсэн хуралдааны өмнө Төсвийн байнгын хороо хуралдах товтой байсан юм. Байнгын хорооны хуралдаан эхэлсэн байна.

Уг байнгын хорооны хуралдаанаар Гааль, татварын ерөнхий газрын эрх зүйн байдлын тухай болон холбогдох бусад хуулийн төслүүдийн анхны хэлэлцүүлэг, Хувь хүний орлогын албан татварын тухай хуульд өөрчлөлт оруулах тухай хуулийн төсөл, Онцгой албан татварын тухай хуульд өөрчлөлт оруулах тухай, Улсын тэмдэгтийн хураамжийн тухай хуульд өөрчлөлт оруулах тухай хуулийн төслүүд болон Импортын барааны гаалийн албан татварын хувь хэмжээ батлах тухай УИХ-ын 1999 оны зургадугаар сарын 3-ний өдрийн 27 дугаар тогтоолд өөрчлөлт оруулах тухай УИХ-ын тогтоолын төслийг тус бүр хэлэлцэхээр төлөвлөөд байгаа юм.

Эдгээр асуудлыг хэлэлцэж байж УИХ-ын чуулганы нэгдсэн хуралдаан хэлэлцэх асуудалтай болж байгаа юм.