Эрүүл мэнд, спортын сайд асан Г.Шийлэгдамба өнгөрсөн баасан гаригийн шөнө Цагдан хорих 461 дүгээр ангиас Н.Шастины нэрэмжит III эмнэлгийн Сэхээн амьдруулах тасагт хүргэгджээ.

Тэрээр зүрхний эмгэгтэй бөгөөд сар гаруйн хугацаанд цагдан хоригдохдоо биеийн байдал нь эрс муудсан байна. Сайд асан Г.Шийлэгдамын биеийн байдлын талаар ойрынх нь эх сурвалжаас өчигдөр тодруулахад “Сэхээн амьдруулах тасгаас гараагүй байна. Амь насанд нь халгүй болсон, эмчилгээ сайн авч байгаа гэсэн мэдээллийг дам сонсоод байна.

Ар гэрийн хэн нь эргэлтээр орох боломжгүй. Зөвхөн эмчлэгч эмч нь орж байгаа” гэлээ.