МАН-ын сайдуудыг засгаас гаргасны дараагаар дэд сайдуудыг бас чөлөөлсөн. Тэгвэл Ерөнхий сайд шинэ сайдуудыг ирэх намар өргөн барина гэж мэдэгдсэн.

Засгийн газрын хуралдаанаар МАН-аас томилогдсон дэд сайдуудыг чөлөөлсөн. Тодруулбал Засгийн газрын тухай хуулийн 18 дугаар зүйлийн 5 дахь хэсэг, 181 дүгээр зүйлийн 5 дахь хэсэг болон асуудал хариуцсан сайд нарын саналыг тус тус үндэслэн:

-  Н.Оюундарийг Гадаад хэргийн дэд сайдын

-  Х.Баделханыг Аж үйлдвэрийн дэд сайдын

-  Я.Төмөрбаатарыг Боловсрол, соёл, шинжлэх ухааны дэд сайдын

-  Б.Мөнхбаатарыг Хүн амын хөгжил, нийгмийн хамгааллын дэд сайдын

-  Г.Тэмүүлэнг Уул уурхайн дэд сайдын

-  Б.Батзоригийг Хүнс, хөдөө аж ахуйн дэд сайдын

-  Д.Атармааг Эрүүл мэнд, спортын дэд сайдын үүрэгт ажлаас чөлөөлсөн.

 Тэгвэл тэдний оронд томилогдох хүмүүсийн талаарх тохироо эрх баригчдын дунд явагдаад эхэлжээ. Тэд тохиролцоонд хүрч, 3+3+1 гэсэн квотоор хуваахаар болсон гэж эх сурвалж мэдээллээ.

Одоогийн байдлаар дэд шинэ сайдуудад:

 Аж үйлдвэрийн дэд сайдад “Бурхан Халдун” группийн захирал  Н.Мөнхдаш

 Боловсрол, Соёл, Шинжлэх Ухааны дэд сайдад  ИЗНН-ын дарга Ц.Ганхуяг

 Гадаад Харилцааны дэд сайдад  АН-ын ҮЗХ-ы гишүүн  О.Магнай

 Эрүүл Мэнд, Спортын дэд сайдад  Эрүүл Мэндийн сайд асан, МАХН-ын ГТ-ийн гишүүн  Н.Удвал

 Уул Уурхайн дэд сайдад МҮАН-ын ЕНБдарга, Монгол Улсын Сайдын ажлын албаны дарга  Б.Цогтгэрэл

 Хүн амын хөгжил, Нийгмийн Хамгааллын дэд сайдад МАХН-ын нарийн бичгийн дарга  Ц.Шаравдорж

 Хүнс, хөдөө Аж Ахуйн дэд  сайдад "Цагаан Шонхор" группын Ерөнхийлөгч Ч.Энхтайван   нарыг намууд санал болгосон гэнэ.

Ерөнхий сайд дэд сайдуудаа ирэх даваа гарагт томилох юм байна.